2026-жылдын 11−12−13-июнунда Германиянын Киль университетинде «Sustainable Silk Road 4.0» илимий-изилдөө долбоорунун аякташына арналган иш-чара өттү. Бул иш-чарага Германиянын Киль университети, Оснабрюк университети, ошондой эле КУУнун С. Нааматов атындагы Нарын аймактык көп тармактуу институнун окутуучусу айыл чарба илимдерини кандидаты Байбагышов Э.М. жана аспирант, окутуучу Кылычбеков М.К. Талас институтунун окутуучусу Дуулат уулу Адилет келип катышты. Иш-чарада аспиранттар ушул долбоордун алкагында жүргүзгөн илимий иштери боюнча презентацияларды жасап, Киль университетинин тажрыйба талаасы менен таанышышты.
Белгилей кетсек, «Sustainable Silk Road 4.0» долбоорунун өнөктөштөрү болуп Германиянын Киль университети, Оснабрюк университети, Оснабрюк колдонмо илимдер университети, КУУнун Талас аймактык институту жана С. Нааматов атындагы Нарын аймактык институту эсептелет. Илимий-изилдөө долбоорунун негизги максаты — Борбордук Азияда санариптик колдоо менен биоартүрдүүлүктүн негизинде айыл чарба жерлерин башкаруу болуп саналат.
