Бүгүн, 13-апрелде Нарын шаарындагы Ж. Шералиев атындагы искусство мектебинде, «Сайма жана белдемчи» аттуу илимий-практикалык көргөзмө өткөрүлдү. Көргөзмөдө кыргыз элинин улуттук кийим-кечелерине кирген белдемчилер көрсөтүлүп, салттуу кол өнөрчүлүктүн нускасы болгон сайма боюнча мастер-класстар өткөрүлдү. Мындан сырткары НМУнун окутуучусу М. И. Молдалиева «Ата-бабадан келе жаткан, шөкөттөлгөн кийим — белдемчи» темасында илимий баяндама жасады. Илимий-практикалык көргөзмөнүн аягында С. Нааматов атындагы Нарын мамлекеттик университети менен Нарын шаарынын маданият бөлүмү кызматташуу меморандумуна кол коюшту.
