Кыргыз Республикасынын илим, жогорку билим берүү жана инновациялар министри Гүлзат Исаматова иш сапарынын алкагында Ж. Баласагын атындагы Кыргыз улуттук университетинин С. Нааматов атындагы институтуна келип, окуу жайдын ишмердүүлүгү жана материалдык-техникалык базасы менен таанышты. Иш сапарынын жүрүшүндө министр институттагы билим берүү процесси менен таанышып, профессордук-окутуучулук курам менен жолугушту. Жолугушуу суроо-жооп форматында өттү. Ошондой эле Г. Исаматова студенттер үчүн түзүлгөн шарттарга көңүл буруп, мекеменин жалпы иши менен жеринен таанышып чыкты.
