↑ Вернуться: Борборлор

Араб тили жана маданияты борбору

arab borboruАраб тили жана маданияты борбору 2005-жылы Нарын мамлекеттик университетинин ректору, профессор А.А.Акматалиевдин демилгеси менен ачылган. 2005-жылы алгачкы болуп Нарын мамлекеттик университети өз ара илим-билим тармагында иш алып баруу учун Махмуд Кашгари-Барскани атындагы чыгыш университети менен келишим түзүлгөн.   Ошол эле жылы Нарын мамлекеттик университетинин студенттерине жана Нарын жергесиндеги орто окуу жайларындагы окуучулары үчүн араб тили боюнча кыска мөөнөттөгү курстар башталган. Араб тилин үйрөтүү боюнча Махмуд Кашгари-Барскани атындагы чыгыш университетинин бүтүрүүчүсү Съездбек Мамытов үйрөтө баштаган. Араб тили жана маданияты борбору ачылгандан баштап, ошол борборду өнүктүрүү жана окуу куралдары менен камсыз кылуу, баардык окуу шарттарына ылайыктуу болуш үчүн, Эл аралык байланыштар бөлүмүнүн араб тили боюнча адиси Мамытов Съездбек ар кандай демөөрчүлөргө проект жазып жөнөтүлгөн. 2007-жылы проекттин негизинде Бүткүл дуйнөлүк жаштар ассамблеясынын Кыргызстандагы өкүлчүлүгүнүн демөөрүлугү менен, араб тили жана маданияты борбору үчүн  азыркы талапка жооп бере тургандай жаңы технологиялар менен камсыз кылып, баардык шарттары менен жеке аудитория жана мугалимдер учүн кабинет жазап беришти. Араб тилин жана маданиятын толугу менен жаштарга үйрөтүү үчүн 2007-жылы Илим-Билим Министирлигинен араб тили жана адабияты кафедрасын ачуу учун лицензия алынып, ошол эле жылы Нарын мамлекеттик университетинин Тил илимдери факультетинин алдында, Чыгыш таануу кафедрасында араб тили бөлүмү иштей баштады. Азыркы учурда Нарын мамлекеттик университетинин араб тили бөлүмү Кыргызстандагы араб тили окуу жайлары  жана араб мамлекеттик фонддору менен тыгыз байланышта иш алып барууда. Араб тили бөлүмүн өнүктүрүү жана студенттерге татыктуу илим берүүдө Махмуд Кашгари-Барскани атындагы чыгыш университетинин бүтүрүүчүлөрү  Мамытов Съездбек менен Абакиров Кубанычбек иш алып келишкен. 2010-жылдын сентябрь айынан тартып «Н. Исанов атындагы кыргыз мамлекеттик курулуш, транспорт жана архитектура университетинин кыргыз-араб» факультетин бүтүргөн Кожокелдиев Артур Абдыкадырович бүгүнкү күндө Араб тили жана маданияты  борборунун жетекчиси жана окутуучусу болуп иш алып барууда.

Араб тили жана маданияты борборунун максаты: Араб тили борборун өнүктүрүү боюнча проекттерди жазуу. 1) Нарын мамлекеттик университетинин араб тили бөлүмүнүн студенттерине татыктуу билим берүү. 2) Араб тили борборунда кыска мөөнөттөгү араб тили курсун өтүп жаткан окуучуларга татыктуу билим берүү. 3) Араб тили борборунун студенттеринин билим денгээлин көтөрүү максатында Кыргызстандагы жана Араб мамлекеттериндеги окуу жайларында боло турган стажировкаларга жөнөтүү. 4) Араб тили борборунун окутуучу курамынынын билим денгээлин көтөрүү максатында Кыргызстандагы жана Араб мамлекеттериндеги окуу жайларында боло турган стажировкаларга жөнөтүү.   5) Араб тили борборунун жана Нарын мамлекеттик университетинин китепканасын өнүктүрүү боюнча проекттерди жазуу. 6) Кыргызстандагы жана араб мамлекеттериндеги кайрымдуулук фонддору менен кызматташтыкта Нарын жергесиндеги жетим балдарга, социалдык жашоосу начар үй- бүлөлөргө, майып адамдарга жардам кылуу максатында проект жазуу.

Араб тили борборунун натыйжалуу иш чаралары. Араб тили борбору ачылганадан баштап азыркы учурга чейин Кыргызстандагы жана Араб мамлекеттериндеги кайрымдуулук фонддор менен тыгыз байланышта иш алып барууда. Араб тили борборунун буга чейин жазаган натыйжалуу иш чаралары болуп: Нарын мамлекеттик университетинин араб тили борборунун жеке аудиториясы жана кабинетинин жасалуусу жана жаны столдор, стулдар, доска, шкаф, стеллаждар менен камсыз болушу. Араб тили борборунун аудиториясын жаны технологиядагы жабдык менен камсыз болушу. Алар: телевизор, видеомагнитофон,  спутникалык антенна, компьютерлер. Араб тили борборунун студенттерине ылайыктуу окуу куралдар, китептер, дисктер менен камсыз болуусу. Араб тили борборунун жетекчисинин Египет араб мамлекети жана Сауд Аравия араб мамлекеттерине барып стажировкадан өтүп келүүсү. Ар бир жыл сайын Нарын мамлекеттик университетинин студенттерин Ысык-Көлгө «Жаштар министирлиги» жана «Келечек жаштары» кайрымдуулук фондусу менен биргеликте  эс алуу семинарына алып баруусу. Ар бир жыл сайын Нарын мамлекеттик университетинин мугалимдер жамаатын Ысык-Көлгө эс алуу семинарына алып баруусу. Араб тили борборунун студенттерин Бишкек шаарындагы араб тили окуу жайларында болгон окуу стажировкаларына катышуусу. Рамазан айында Нарын мамлекеттик университетиндеги орозо кармаган студенттерге ооз ачтыруусу. 2005-жылдан тартып азыркы учурга чейин 1000 ашуун студенттерге ооз ачырылган. 2005-жылдан тартып ар бир жылы Нарын мамлекеттик университетинин студенттерине, кызматкерлерине, Нарын шаарындагы социалдык жашоосу начар үй бүүлөөлөргө курбан айт күнүнө карата мал союлуп эт таратылган. Нарын жергесиндеги жетим балдарга материалдык жактан жардам берилүүсү. С. Нааматов атындагы Нарын Мамлекеттик университетинин факультеттердин президенттерин жана араб тили борборунда окуган студенттерди жана окуучуларды Нарын жергесиндеги эс алуучу жайларга эс алдыруусу. 2011-жылы араб тили жана маданияты борборуна тапшырган жана гуманитардык колледжинин студенттеринин контрагынын 50% кайрымдуулук фонддор менен биргеликте араб тили борбору төлөп берди. 2011-жылы араб тили борбору бүткүл дүйнөлүк жаштар ассамблеясы менен биргеликте Нарын шаарын жашылдандыруу долбоорун ишке ашырды Жыл сайын өткөрүлүүчү «Тил фестивалында» араб тили борбору Араб элинин маданиятын элибизге таанытуу максатында бир жумалык иш чара өткөрдү. 2012-жылы Кыргыз Республикасынын Жаштар, эмгек жана иш менен камсыз кылуу министрлиги жана «Келечек жаштары» коомдук фонду уюштурган «Ата-Энем ырысым, Ата-Энем бакытым» аттуу Бишкек жогорку окуу жайлар арасындагы конкурска Нарын мамлекеттик университетинин атынан «Эненин кайгысы» деген сценкасы көргөзүлүп  аталган министрлик жана фонддун ыраазычылык катын алышкан.

arab borboru.jpg3 arab borboru.jpg2 arab borboru.jpg4 arab borboru.jpg5