↑ Вернуться: Ишеним терезеси

Студенттердин суроолору

Урматтуу С.Нааматов атындагы Нарын мамлекеттик университетинин студенттери!

  • Бул жерде ар түрдүү суроолорду берсеңер болот.
  • Суроо жөнөтүү терезеси — ушул беттин аягында

PS: Адепсиз, темага туура келбеген жана башка тилдеги суроолор жарыяланбайт.

8 комментариев

Перейти полю для комментария

  1. Andy

    Сколько продляться зимние каникулы

    1. администратор

      Согласно утвержденным графикам учебного процесса, зимние каникулы продлятся с 14 января по 2 февраля. 4 февраля начнутся занятия второго полугодия.

      Учебный отдел НГУ.

  2. Мека

    Саламатсызбы?Азыр 1- курста окуйм,1-курсту бүткөндөн кийин каалаган факультетке которулсам болобу?Кайсыл учурда которуу иши жүрөт?Которулуу үчүн эмне документтер керек?

    1. администратор

      Кыргыз Республикасынын учурдагы мыйзамдарына ылайык, биринчи жана акыркы курстардын студенттери башка адистикке которула алышпайт. Ал эми экинчи, үчүнчү жана сырттан окуу формасындагы төртүнчү курстун студенттери башка адистиктерге жана окуу формаларына окуу процесси башталганга чейин (каникул учурунда) которула алышат. Адатта которулуу күзүндө 25-августтан 15-сентябрга чейин, кышында 15-январдан 15-февралга чейин жүргүзүлөт (так даталарды студенттик кадрлар бөлүмүнөн билүүгө болот).

                  Которулуу үчүн студенттен талап кылынуучу аракеттер:

                  1. Ректордун наамына арыз жазылат (арыздын үлгүсүн студенттик кадрлар бөлүмүнөн алууга болот).

                  2. Арызга студенттик кадрлар бөлүмүнүн визасы коюлат (студенттин учурда окуп жаткан курсу, буйруктары жазылат).

                  3. Которулуп кетип жаткан факультеттин деканынын визасы коюлат.

                  4. Которулуп бара жаткан факультеттин деканатына кайрылып, академиялык айырмаларды аныктоо керек. Академиялык айырмалар арызга тиркелет, ошондой эле арызга которулуп келип жаткан факультеттин деканынын визасы коюлат.

                  5. Арызга студенттерди которуу боюнча административдик комиссиянын төрагасынын (окуу иштери боюнча проректордун) визасы коюлат.

                  6. Которуу үчүн төлөнүүчү сумма банкка төлөнүп, квитанциянын көчүрмөсү арызга тиркелет.

                  7. Арыз тиркемелери менен чогуу студенттик кадрлар бөлүмүнө, буйрук чыгаруу үчүн өткөрүп берилет.

      НМУнун окуу бөлүмү

  3. Жазгул

    Башка университет .бул университет ке которулуш учун эмне кылыш керек.жалпысынан тушундуруп кетестздерби.

    1. администратор

      Башка университеттен Нарын мамлекеттик университетине которулуш үчүн алгач Нарын университетинин студенттик кадрлар бөлүмүнө келип, тиешелүү үлгүдөгү арыз жазып, сураныч-кат (запрос) алыш керек. Ал катта көрсөтүлгөн документтерди өзүӊүз окуп жаткан университеттен алып келгенден кийин төмөнкү иштер аткарылат:
      1. Которулуп келип жаткан факультеттин деканатынын кызматкери тарабынан которулуп жаткан адистикке академиялык айырмалар чыгарылып, арызга тиркелет.
      2. Которулуп келип жаткан факультеттин деканынын визасы коюлат.
      3. Окуу иштери боюнча проректордун визасы коюлат.
      4. Которулуу үчүн төлөнүүчү сумма (500 сом) банкка төлөнүп, квитанциясы арызга тиркелет.
      5. Арыз студенттик кадрлар бөлүмүнө буйрук даярдоо үчүн өткөрүп берилет.
          Эскертүү: которулуулар каникул учурунда, болжол менен күзүндө 25-августтан 15-сентябрга чейин, кышында 15-январдан 15-февралга чейин жүргүзүлөт. 
       

  4. Айдана

    Саламатсызбы! Президенттик стипендия же ушундай сыяктуу стипендияларды кантип алууга мүмкүн?

    1. администратор

      Президенттик стипендия КРнын жогорку окуу жайларындагы окутуунун күндүзгү формасынын студенттерине Президенттик стипендияны дайындоо жөнүндө Жобонун негизинде  жүргүзүлөт. Ага ылайык, стипендияны дайындоо окутуунун күндүзгү формасында бакалавриат программасы боюнча 3-курста, 5 жана андан көп жылдык окутуу программасы боюнча 4-курста окуган студенттердин арасынан ушул Жобонун 4-пунктунда көрсөтүлгөн критерийлерге жана стипендиянын квотасына ылайык талапкерлерди тандоонун негизинде жүргүзүлөт.

      4-пункт. Стипендия дайындоо үчүн талапкерлерди тандоонун төмөнкүдөй критерийлери белгиленет:

      1) окутуунун бардык мезгилинде орто аралыктагы аттестациянын жыйынтыгы боюнча алган баалардын жалпы санынан «эң жакшы» деген баа кеминде 75 пайыз болгондо студенттин «эң жакшы» жана «жакшы» деген бааны алуусу;

      2) стипендия дайындоо алдында эки жылдын ичинде өткөрүлгөн студенттердин окуудагы жетишкендиктерин табууга багытталган эл аралык же республикалык олимпиадада, конкурста, мелдеште, таймашта, башка иш-чарада студентти жеңүүчү же байге ээси деп таануу;

      3) стипендия дайындоо алдында эки жылдын ичинде студенттин төмөнкүлөрдү алуусу:

      — илимий-изилдөө ишинин натыйжалары үчүн сыйлыкты (байгени);

      — интеллектуалдык (илимий-усулдук, илимий-техникалык, илимий-чыгармачылык) иште жетишилген илимий натыйжасына студенттин өзгөчө укугун күбөлөндүргөн документти (патент, күбөлүк);

      — илимий-изилдөө ишин аткаруу үчүн грантты;

      4) стипендия дайындоо алдында бир жылдын ичинде студенттин илимий (окуу-илимий, окуу-усулдук) эл аралык, республикалык же ведомстволук басылмада жарыялоолорунун бар болуусу;

      5) стипендия дайындоо алдында бир жылдын ичинде студенттин илимий-изилдөө иштеринин натыйжаларын башка жол менен жарыялоосу, анын ичинде эл аралык, республикалык же ведомстволук конференцияда, семинарда, тиешелүү деңгээлдеги башка иш-чарада баяндама (билдирүү) жасоо жолу менен жарыялоосу.

               Стипендия дайындоого талапкерлер ушул Жобонун 4-пунктунун 1-пунктчасында көрсөтүлгөн критерийге жана ушул Жобонун 4-пунктунун 2-5-пунктчаларында көрсөтүлгөн бир нече критерийлерге туура келүүгө тийиш.

                  Президенттик стипендия окуган курсуна жана ЖОЖуна (чет элдик ЖОЖдорду жана алардын филиалдарын кошкондо) карабастан, Кыргыз Республикасынын атынан чыгып, эл аралык деңгээлдеги фестивалдардын жана конкурстардын лауреаттары жана дипломанттары болгон, бирок ушул Жобонун 4-пунктунун 1-пунктчасынын талаптарына жооп берген студенттерге ыйгарылышы мүмкүн.

       

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>